Dalam Rangka Menyambut Tahun 2025 dengan Generasi"Beta"

 

Catatan humbani  Buku Podah.

Dalam Rangka Menyambut Tahun 2025 dengan Generasi"Beta"

1.      Podah 1:1-3:1-12. Halak na lang marpangalaman (Podah 1:1-3:1-12). Halak na hurang marpangalaman porsaya do bani sagala hata, tapi halak na maruhur iparimbagaskon do langkah-langkahni. – Podah 14:15. Onjolan ni Podah on bani halak na lape marpangalaman aima manangihon ajaran ni bapa pakon inangni. Ulang loja anjaha marnaloja orang tua mamodahi niombahni. Podah ni orang tua gabe sipaingat bani niombah anggo domma magodang janah mandompakkon parsoalan, ase mampu sidea mangkorjahon na sintong. Sidea aima halak na lape mananda Kristus atap na baru bani Kristus atap halak Kristen na maposo "Irikkon nasiam ma ahu, songon ahu pangihut ni Kristus." – 1 Korint 11:1

 

2.      Podah 3:1-26 Halak na pentar

Bani Podah 3:1-26. Jolma sipambalosi, na setia manangihon harosuh ni Naibata.

 Sifat-sifat ni Halak na Pentar

a.      Martoruh ni uhur sanggah ipinsang Naibata. Jolma na maruhur sai totap do mambuat parlajaran humbani na masa bani goluh on, mangindahi aha do sura-sura ni Naibata ase ipaturut haganupan ai terjadi, janah porsaya bani cara-Ni. Sanggah mandoppakhon sitaronon atap tantangan bani goluhni, lang gabe mandolei uhurni atap kecewa janah gabe lupa bani parlajaran na maharga na ibalikni haganup kejadian ai. Dalan ni Jahowa do parlinggoman bani halak paruhur na bujur, tapi hamagouan do bani halak sihorjahon hajahaton. – Podah 10:29

b.      Lang urah manggila atau kecewa bani halak na legan halani selalu mangidah ai humbani sudut pandang ni Naibata. Daripada terburu-buru menyalahkon, menghakimi, atappe berpandangan negatif hubani halak na legan, halak na pentar akan berusaha menganalisa situasi humbani bagei sudut pandang, janah na paling utama, humbani sudut pandang na legan ai ma Perspektif ni Naibata. Ipingkirhon  do aha na porlu ampa na lang porlu isarihon bani goluh on.

c.      Marosuh bani podah pakon sipasingat. Bani halak na maruhur, podah ampa pinsang-pinsang aima kesempatan laho pabanggalhon habotohon.Gati do homa isobut bahwa bani podah pakon sipasingat isobut “si jaga paruhuran, si jaga tonduy”.   Bani praktekni, on lang urah horjahonon bani goluh on. Sonaha pe dearni pinsang-pinsang ai, tontu lang haganup jolma boi manjalo janah sonang, bahkan ra do pa rohkon  borit uhurni, ai ma anggo halak na so manggoluh ibagas holong ni Naibata. Hassi pe sonai, porsaya do halak na maruhur tongtong do adong dalan na sintong laho mamingkirhon ganupan ai. Bere ma podah bani halak na pentar, lambin maruhur ma ia, ajari halak parpintor, lambin tambah ma habotohonni. – Podah 9:9. Pondokni, halak na pentar aima halak na isobut bani Podah 2:9-11: “Jadi arusanmu ma hapintoron pakon uhum, habonaron pakon sagala dalan na dear; ai roh ma hapentaran hubagas uhurmu, anjaha mantin ma habotohon bani tonduymu; uhur hapantason ma manramotkon ho, anjaha pangarusion siparjaga bam.”.

 

3.      Podah 10 Halak na oto.

Dear ase ipardimata hita ma, atap pe pareksa hita ma lobei daftar na i toruh on laho mangidah atap na bodoh do hita atap lang…:

a.      Mambahen hasalahan na sarupa marhulan-hulan atap pe marulang-ulang (contoh : Siparayakon ma ai). Sasintongni ibotoh do aha na sintong ampa na lang, tapi sai iulakkon do pola-pola ampa haotoon na sarupa. Songon panangga na mangulaki utah-utahni, sonai do halak na oto mangulaki haotoonni. – Podah 26:11 - Mahol do manjalo masukan pakon podah, apalagi teguran. Iahapni ia pentar janah sintong, masalahni do na paling borat, kasusni do na paling istimewa, janah lang dong na boi mangarusisi. Pitah Ia do na mambotoh hasintongan ai, janah lepak do haganupan hasoman bani. Sai mangidah hasalahan ni halak na legan do ia tapi lang ipardiateihon hasalahan ni sandiri. Lang ra ia mangidah dirini sandiri janah lang ra ia mubah humbani pargoluhan na salpu. Nini Podah 28 : 26 do : Halak na martenger ni uhur bani pingkiranni sandiri na oto do ai, tapi halak na pantas marparlahou, sai maluah do....Janah bani Podah 18 : 2 Seng marosuh halak na bodoh bani habotohon, tapi pitah bani na patugah-tugahkon pingkiranni do hansa.  Halak na bodoh seng marosuh bani pangarusion, na ibagas uhurni do hansa rosuhni. Emosi ni lang stabil, emosi meledak-ledak. Bani tangan ni halak na bodoh gabe banggal do parsoalan na etek, age pe boi pasaloseihon ai marhitei cara na sederhana. Ia manggila halani hal-hal na sepele janah merasa berhak do ia manggila. Manguhumi halak na legan marhitei na marsanding janah sip (sip marhitei informasi, diskriminatif janah pilih kasih), sip marhitei saribu hata ibagas uhur na gok ringis pakon domdom. Bani sisi na legan, on sedo mararti anggo halak na pentar lang boi manggila, tapi manggila ibagas na padearhon ma janah marpangunsandean bani harosuh ni Naibata (Matius 21:12-17, Markus 11:15-19, dan Lukas 19:45-48). Tikki marimas uhur ni na pantas maruhur, adong panghoromion, ase ulang das  ringis ai mambobai sidea hubani kuasa ni dosa. Ai tarsurat do bani Podah 29:11 Halak na oto ipapuas do ganup ringisni, tapi anggo halak na maruhur itahan do ai . Halak na na maruhur adong panghoromion pas ana manggila.

b.      Mangahapkon dirini pentar janah maruhur. Bani pargoluhon on, Ia papintorhon pambahenanni, mangindahi alasan ase boi pasintonghon dirini, janah halani ai gabe mahol do ia mangubah pargoluhanni, marunok-unok paruhuranni, fokus hubani hal-hal negatif ni halak na legan, pakon melebih-lebihkan hadearonni sandiri. Tarsurat bani Podah 26:5 Marbalos ma ho bani halak na oto romban hubani haotoonni, ase ulang iagan na pentar ia .Ise do na imaksud halak si songon on? Halak na so mananda Naibata do? Na so Karisten do? Na so margareja do? Jawab ni :  Lang. Marpangunsandean bani hat ani Naibata na tarsurat bani Podah 28 : 26 : Halak na martenger ni uhur bani pingkiranni sandiri na oto do ai . Halak na oto aima halak na so buha uhurni. Tarmasuk ma ai juak-juak, sintua, pandita, pemimpin na jahil, anggo dong na mangkritik janah mambere masukan nini: “ulang manguhumi”, anjaha ituduh sidea do halak na legan berpikiran negatif. Janah anggo gati isobut hita dasar alkitab ni…. “Na Bibelon do in” nini homa. Buei do jolma manobut, “lang porlu ibahas bible in, ihorjahon ma lah” nini homa. Na gabe sukkun-sukkun mendasar… Sonaha manghorjahon anggo lang iarusi? On ma na gati asal horja-horja, loja angkula janah bois na adong, tapi pa roh kon partingilan janah manghorhon dosa.

Jadi, tipe na ija do ham, ahu.. hita sonari?

Ai halak Kristen na maposo na lape marpangalaman do   hita ? Lang mahua, boi do hita marlajar humbani hasalahan ampa pangalaman ni halak na legan. Boi ope hita  bertumbuh janah memperlengkapi diri  marhitei habotohon pasal hata ni Naibata ai, janah maniru pahlawan-pahlawan haporsayaon na iharosuhkon hita, terutama mangusihi pangabag ni   Yesus Kristus Tuhan ta in. Sonaha anggo gabe halak na pentar hita ? Dear ma ai, janah ai ma harosuh Ni Naibata, tapi totap ma martoruh ni uhur, introspektif janah ulang sombong. Halak na pentar pe boi do mambahen hasalahan, halani ai, porlu do   hita  totap marlajar pakon introspeksi humbani panorang hu panorang. Janah, anggo hita ibagas tipe na bodoh ope, janah totap do hita songon halak na sarupa, atap sihol do hita  mubah gabe lambin pentar janah maruhur? Anggo sihol hita  mubah, botoh hita, ma anggo mubah ai lang seborat na ipingkirhon hita. Marhitei na marlajar patoruh diri janah marhabiaran bani Naibata, lambin buka ma pangarusion ta otik-otik. Tontu, lambin pentar ma hita janah boi manogu halak na legan hu dalan na sintong. Parmulaan ni hapentaran, ai ma biar bani Jahowa, anjaha panandaion bani Na Pansing ai ma pangarusion. – Podah 9:10 anjaha totap ma marpangunsandean bani Hata Ni, nini do : Podah19:21 Buei do ranggian ibagas uhur ni jolma, tapi sura-sura ni Jahowa do na saud.

 

Selamat Tahun Baru 1 Januari 2025

Tuhan Yesus manghasomani hita bani na mandalani tahun on.

St.Sarmulia Sinaga

GKPS Simalingkar-Resort Medan Selatan