Reaksi Tumpuan akibat beban terbagi rata.

 

Demokrasi pakon Harosuh ni Naibata: Model Alkitabiah bani Pemilihan Pemimpin Gereja

St.Sarmulia Sinaga (GKPS Simalingkar Medan)

 

Parlobei ni,

Pemilihan pemimpin aima salah sada momen na paling penting bani goluh ni sada kuria. Proses on lang pitah manontuhon arah pangidangion pakon pertumbuhan rohani ni kuria, tapi dihut do homa mencerminhon pangarusion teologis ni kuria pasal otoritas, kepemimpinan, pakon angkula ni Kristus. Bani panorang sobdahan on, nini namaposo zaman modern, konsep “demokrasi”—pamarentahan, oleh, pakon untuk rakyat—gati do iadopsi bani bagei organisasi, termasuk gereja. Tapi, sungkun-sungkunni: Ai domu do model demokrasi on hubani prinsip-prinsip na adong bani Bibel ta?

 

Tulisan  on laho manjelajahi dasar-dasar alkitabiah, na adong  bani Padan Na Basaia sonai homa age na adong bani Padan Na Baru, laho mangarusi sonaha proses pemilihan, atap pe manodoh pemimpin gereja, ase dear mardalan. Idah hita ma anggo Bibel lang pataridahkon model demokrasi na sekuler tapi proses partisipatif na unik ija harosuh ni Naibata ipindahi secara komunal marhiteihon keterlibatan aktif ni kuria na ibobahon kuasa ni Tonduy Napansing.

 

Dasar Alkitabiah bani Padan Na Basaia

Model kepemimpinan bani Padan Na Basaia sebagian besar teokratis (ipilih Naibata secara langsung) atap turun-temurun. Nabi idilo Naibata secara langsung (Jesaya 6:8-9), malim roh humbani suku Levi (2 Musa 28:1), anjaha raja ipilih Naibata, songon si Daud (1 Samuel 16:12-13).

Tapi, dong do prinsip-prinsip na pataridahkon unsur partisipasi masyarakat bani na mamilih pemimpin bani tingkat na lobih praktis.

1.      Podah ni si Jetro hubani si Musa (2 Musa 18:21)

Sanggah si Jetro mamodahi si Musa laho padaskon tugas-tugas pangadilan, ibere do sada kualifikasi na jelas: “pindahi ma humbani ganup bangsa ai halak na pandei, na marhabiaran bani Naibata, halak na boi ihaporsayai, ampa halak  na magigi bani sisip”. Age pe Musa do na mamilih, kriteria on terbuka janah boi iuhumi bangsa ai.

2.      Pamilihan Pemimpin Suku (5 Musa 1:13)

Parentah ni si Musa hubani bangsa Israel lebih jelas mengenai keterlibatan bangsa ai: “Arahkon hanima ma humbani marganima halak na pentar, na pentar ampa na marpangalaman, ase hupabangkit sidea gabe kopalanima”. Ijon, inisiatif laho mangindahi pakon mancalonkon calon kepemimpinan roh humbani rayat na mabuei (gorankon ma sidea humbani suku nasiam), hassi pe pengangkatan formal ibahen si Musa sebagai otoritas na parpudi.

Humbani Padan Na Basaia, ibotoh hita do anggo kepemimpinan na i atas gati do pilihan ilahi na langsung, tapi dong do ruang bani rayat laho dihut mamilih pemimpin lokal berdasarhon kualifikasi rohani pakon moral na jelas.

 

Dasar Alkitabiah bani Padan na Baru

Padan na Baru, na fokus hubani pargoluhan ni kuria (ekklesia), mambere model na lobih jelas pasal keterlibatan jemaat bani na mamilih pemimpin. Kuria na parlobei manghorjahon sada sistem ija hapentaran ni kuria, pambobai ni apostel, pakon pambobai ni Tonduy Napansing marhorja rap.

1.      Pamilihan ni si Judas Iskariot manggantihon (Lahoan ni Apostel 1:15-26)

Dobkonsi Jesus naik hu surga, susian porlu mamilih sada apostel manggantihkon si Judas. Proses ai marisi piga-piga langkah kunci:

a.      Inisiatif Pemimpin: Petrus, sebagai pemimpin, patorangkon haporluan pakon syarat na berdasarkon Surat in.

b.     Partisipasi Jemaat: Jemaat na martumpu (hira-hira 120 halak) mangusulhon dua calon aima si Josep Barsabas pakon si Matias.

c.      Tonggo pakon Unduk bani Naibata: Martonggo do sidea mangindo petunjuk humbani Naibata laho patuduhkon hubani sidea ise do na sihol pilihon-Ni.

d.     Pelantikan Ilahi: Ibahen sidea ma undian, sada cara na somal laho mangindahi harosuh ni Naibata, anjaha ipilih ma si Matias.

Model on pataridahkon sinergi antara arahan ni pemimpin, saran ni kuria, pakon pengangkatan terakhir ni Naibata.

 

2.      Pamilihan ni Sidea na Pitu (Lahoan ni Apostel 6:1-7)

On ma contoh na paling jelas pasal “demokrasi” na ibobahon Tonduy i kuria. Sanggah dong masalah pangidangion i tongah-tongah ni kuria, lang sepihak apostel ai pabangkitkon halak. Tapi ihatahon sidea do bani kuria ai: “Halani ai, nasiam sanina, pilih nasiam ma humbani nasiam pitu halak na sangap, na gok Tonduy ampa na maruhur, ase pabangkitonnami sidea mandalankon horja on.” (Lah. 6:3)

Prosesni tangkas tumang: Pemimpin Manontuhon Haporluan pakon Kualifikasi: Apostel-apostel ai mananda masalah ai janah mambahen standar hubani calon (hajongjongan na dear, gok Tonduy, gok hapentaran).

Kuria Mamilih: Kuria on iondoskon laho mangindahi pakon mamilih pitu halak na memenuhi kriteria.

Pambobai Manondoskon pakon Manlantik: Dobkonsi kuria mamilih, martonggo ma apostel janah manampeihon tangan bani sidea, songon tanda pangangkatan pakon penugasan na resmi.

Model on domma gabe landasan bani buei kuria na melibatkon jemaat bani na mamilih Syamas pakon Sintua.

3.      Kualifikasi Pemimpin bani Surat Pastoral (1 Timoteus 3 & Titus 1)

Kualifikasi Pemimpin bani Surat Pastoral (1 Timoteus 3 & Titus 1)

Paulus mambere daftar syarat na sangat rinci bani sada pengawas (sintua) pakon sada diaken. Syarat-syarat on, songon na “lang martikas”, “sada parinangon”, “na boi manrajai diri”, ampa “margoran na madear i tongah-tongah ni halak na legan”, sedo na boi iuhumi sandiri. Sidea aima publik pakon komunal. Pitah Jemaat na marianan rap pakon calon pemimpin ari-ari do na boi manaksihon atap tongon do ia memenuhi standar in. Jadi, persetujuan pakon penegasan humbani kuria aima sada syarat na tersirat.

 

Tugas ni Kuria

Mardasarhon dasar-dasar alkitabiah na iatas in, peran ni kuria bani na mamilih pemimpin lang pitah laho mambere suara, tapi lobih hubani partisipasi rohani na bagas. Peran-peran on aima:

1.      Mangindahi Potensi: Kuria aima tanoh na subur ianan ni calon pemimpin bertumbuh. Sidea ma na parlobei mangidah ise do sibere-bere pangidangion, ise na marparlahou ibagas hadaulaton, anjaha ise na gok hapentaran bani parsaoran.

2.      Menegaskon Syarat: Kuria gabe saksi na manggoluh. Sanggah dong calon na ipresentasihon, kuria martanggungjawab laho menegaskon (atap lang menegaskon) bahwa karakter pakon gaya hidup ni calon ai domu hubani standar alkitabiah na dob itontuhon bani 1 Timoteus 3 pakon Titus 1.

3.      Martonggo mangindo Konfirmasi Ilahi: Proses pemilihan aima sada kegiatan rohani. Haganup kuria ningon rap martonggo, mangindo Tonduy Napansing mambere hapentaran, hasadaon, pakon konfirmasi bani pilihan na dob ibahen, ase na pinilih ai tongon-tongon do harosuh ni Naibata.

4.      Mambere Dukungan pakon Ketaatan: Dob tarpilih janah isahkon pemimpin, kuria memiliki peran laho mendukung, martonggo, pakon unduk hubani kepemimpinan ni sidea ibagas Tuhan (Heber 13:17), sebagai bagian humbani angkula ni Kristus na taratur.

Parbandingan Model Demokrasi bani Pilkada Pemimpin Gereja

Bani kuria, "demokrasi" lang ongga sekuler. Tujuanni sedo pitah “harosuh ni bangsa in”, tapi “ase rap mangindahi harosuh ni Naibata”. Model pemilihan pakon model manjomput na sinurat ( undian)aima cara laho mandapotkon tujuan on, tapi marbeda penekanan pakon metodologi.

Fitur / Aspek	Demokrasi Pemilihan Gerejawi	Demokrasi Undian Gerejawi
Prinsip-prinsip Utama	Penegasan Komunal: Kuria secara kolektif menegaskon atap mamilih sada pemimpin na ihaporsayai Naibata domma ipasirsir.	Pelantikan Ilahi: Kuria mangusulhon calon, tapi pilihan terakhir iondoskon hubani Naibata marhiteihon marjomput nasinurat( undian).
Dasar Alkitab Utama	Lahoan ni Apostel 6:1-7: Pamilihan ni pitu siparugas. Jemaat iparentahkon ase “mamilih” (mamilih) pitu halak na memenuhi syarat.	Lahoan ni Apostel 1:15-26: Pamilihan ni si Matias manggantihkon si Judas. Kuria ai mangusulhon dua goran, dob ai itonggohon anjaha marjomput na sinurat ase ipilih Naibata.
Peran ni Jolma (Kuria)	Aktif & Tegas: Kuria aktif mangindahi, menilai kualifikasi, pakon mambere suara laho manontuhon hasil akhir.	Aktif & Mangusulhon: Kuria mangindahi pakon mangevaluasi kualifikasi laho mambahen daftar calon na talup, tapi lang mambahen pilihan terakhir.
Mangasumsihon Peran ni Naibata	Tonduy Napansing marhorja marhitei hapentaran, tonggo, pakon kesepakatan kolektif ni kuria. Suara mayoritas na itonggohon ianggap sebagai refleksi ni pambobai ni Tonduy.	Tonduy Napansing marhorja lobih humbani harosuh ni jolma laho mambahen sada janji na langsung, na lang ambigu. Pilihan ni Naibata domma ipatugah secara pasti.
Fokus Proses	Pertimbangan & Konsensus: Mangindahi konsensus atap suara mayoritas marhitei proses pertimbangan kolektif pasal karakter pakon kompetensi ni calon.	Tonggo & Unduk: Mangondoskon diri hubani batasan ni hapentaran ni jolma pakon secara radikal porsaya bani haputusan na parpudi hubani hadaulaton ni Tuhan Naibata.
Kekuatan na Boi	-       Rasa Kepemilikan na Tinggi: Pemimpin na tarpilih memiliki mandat pakon dukungan na kuat humbani jemaat humbani mungkahni. -       Pertanggungjawaban na Jelas: Kuria merasa bertanggungjawab bani pilihanni. -        Proses Terbuka: Kualifikasi ni calon (1 Timoteus 3) iondoskon hubani ganup kuria.	-    Manghapus Politik Gereja: Lang dong ruang untuk kampanye, melobi, atap dukungan blok. -    Manlanglangi parbolah-bolahan halani sitonngor jumbak atap pe pilih kasih. -    Kepastian Pandiloon: Pemilih memiliki keyakinan na toguh bahwa ia ipilih secara langsung oleh Naibata, lang halani popularitas. -    Tekankan Toruh ni Uhur : Mangakui bahwa jemaat, age dob martonggo, boi do salah penilaian.
Hagalekon/Resiko na Boi terjadi	-       Resiko Gabe Kontes Popularitas: Anggo lang ijaga, proses ai boi berubah gabe pilihan na paling populer, sedo na paling berkualitas secara rohani. -       Potensi untuk Luka & Perpecahan: Calon na talu atap pendukungni boi merasa kecewa. -        Fokus hubani Jolma: Boi terjebak bani kriteria hajolmaon (karisma, arta, status) sedo kriteria Rohani. -       Berpotensi money politik	-    Hurangni Normatif: Bahat do teolog na mangidah pambahenan undian sebagai praktek transisi paima gok iuseihon Tonduy Napansing bani panorang Pentakosta. -    Penghindaran Tanggungjawab: Boi do gabe cara na urah laho paluahkon diri humbani tanggungjawab na borat bani proses konfirmasi. -     Resiko Takhayul : Anggo ihorjahon tanpa pemahaman teologis na tepat, boi do ai ianggap praktek sihir atau “memaksa” Naibata mambalosi tonggo sonari.

 

Analisa pakon Aplikasi Sonari

1. Model Demokrasi Pemilihan (Model Lahoan 6)

On ma model na paling umum ipakei i kuria-kuria sonari on laho mamilih sintua, diaken, atap anggota dewan. Proses on sangat alkitabiah, dengan syarat utama bahwa haganup proses on ibingkai ibagas tonggo, toruh ni uhur, pakon fokus hubani kualifikasi na dob itontuhon bani Hata ni Naibata (1 Timoteus 3, Titus 1).

Aplikasi na Sehat:

a.      Proses nominasi na terbuka anjaha ipukkah bani na martonggo.

b.     Sada panorang perkenalan ija kuria boi mananda karakter pakon visi ni calon-calon ai.

c.      Pemilihan ai lang ididah sebagai “kemenangan” ni sada calon dompak calon na legan, tapi sebalikni sebagai penegasan kolektif pasal aha na dob ipatalar Tonduy Napansing hubani kuria ai.

d.     Dong parmahanan bani calon na lang tarpilih laho mancegah pusok ni uhur.

 

2. Model Demokrasi Undian (Model Lahoan 1)

Model on jarang tumang, anggo ongga, ipakei bani kuria modern. Konteks pemilihan ni si Matias unik: ia ipilih laho manggoki jabatan apostel, sada peran dasar na mamorluhon hasaksian na langsung pasal parpuhoon ni Jesus. Sementara metode “pembuatan undian” ai sandiri lang be praktek normatif, semangat i balik proses ai totap do sangat relevan janah maningon menghidupkan setiap pemilihan pemimpin gereja.

Parlajaran Partonduyon humbani Model Lot:

a.      Kesadaran bani Keterbatasan ni Jolma: Iakuhon susian bahwa sidea lang boi mangidah uhur. On ma parlajaran na banggal pasal toruh ni uhur.

b.     Ketergantungan Ujungni hubani Naibata: Proses ai imulaini pakon iujungi marhiteihon tonggo na sungguh-sungguh, na pataridahkon bahasa on aima haputusan ni Naibata, sedo haputusan ni sidea.

c.      Fokus ma bani Rosuh ni Naibata, Sedo bani Harosuh ni Halak: Lang marsual sidea pasal ise do na sidearan humbani si Josep pakon si Matias. Sidea pitah mangindo ase ipatuduhkon Naibata pilihan-Ni bani sidea.

 

Sintesis: Sada Model Hibrida Rohani bani Kuria Sonari na tang sidearan.

Pemilihan Pemimpin Kuria sondahan  on  na paling dear laho manghorjahon proses Demokrasi Pemilihan (songon bani Lahoan ni Apostel 6) bani tingkat pemilihan na parlobei, tapi bani panotapan na parpudi sahali Demokrasi Lot (songon bani Lahoan ni Apostel 1).

Artini: "Gereja mandalankon proses pemilihan na manlibathon partisipasi aktif ni kuria laho memastikan pemimpin, tapi ibahen marhitei sikap tonggo, toruh ni uhur, pakon penyerahan total, songon na pilihan terakhir i tangan ni Naibata tumang marhitei marjomput na Sinurat."

·         Artini aima sada proses mamilih pemimpin na: Bebas humbani kampanye pakon politik praktis.

·         Ipungkah marhiteihon tonggo pakon puasa riap mangindahi bohi ni Naibata.

·         Fokusni tarlobih hubani kualifikasi karakter alkitabiah, lang popularitas.

·         Iujungi marhiteihon sada suara na ianggap sebagai momen konfirmasi rohani, ija ganup kuria mangkatahon rap, "Porsaya do hanami, on ma halak na dob itontuhon Naibata bani panorang on."

·         Marhitei na sonin ma kuria in boi padomuhon tanggungjawab hajolmaon laho mamilih secara berhikmat pakon pasrah total bani hadaulaton ni Naibata laho menempatkon pemimpin domu hubani rosuh-Ni.

Rimpunni

Pemilihan kepemimpinan gereja Alkitabiah sedo demokrasi sekuler na berdasarhon popularitas atap suara mayoritas tumang. Sebalikni, on aima proses teokratis pakon partisipasi komunal. On ma sada sistem ija Kristus sebagai Ulu ni Kuria mamarentah marhitei Tonduy Napansing, na manlibathon hapentaran ampa konfirmasi humbani haganup pagori ni angkula-Ni.

Model na ideal ai ma na padomuhon tolu elemen na porlu:

1.      Kepemimpinan ni Tonduy Napansing sebagai penentu utama.

2.      Arah ni Pemimpin Rohani na adong laho menetapkon standar pakon memfasilitasi proses ai.

3.      Partisipasi aktif ni kuria laho mangindahi, memastikan, pakon mamilih calon berdasarhon kualifikasi alkitabiah, anjaha na tang parpudi sahali sebaik ni mengacu hubani Lahoan ni Apostel 1:15-26.

Anggo idalankon proses on ibagas tonggo, toruh ni uhur, janah setia bani Hata ni Naibata, kuria in lang pitah dapotan pemimpin na mampu tapi dihut mangahapkon hasadaon ampa konfirmasi bahasa sidea domma riap mardalan domu hubani harosuh ni Kepala Gereja aima Jesus Kristus.

Brastagi Contagge, 04 Juli 2025 (00.43 WIB)

Selamat Menentukan Pemimpin……

Tuhan Yesus ma na mamasu-masu hita haganupan, Amen.

Selamat Marsinode Bolon